أحلام القبيلي

مازال الكثير من العرب عامة واليمنيين خاصة, مهووسين بالثقافة العربية العقيمة؛

ثقافة الفخر والاعتزاز الجوفاء التي لا تطلِّع ولا تنزِّل، "لا تسمن ولا تغني من جوع".. "ونحن أناس لا توسط بيننا * لنا الصدر دون العالمين أو القبرُ"..

العالم يعيش ثورات اقتصادية وعلمية رهيبة و"احنا علينا نزومل زامل يدق زامل.. ونفتخر بالأوالي والجرامل"..

فقائل يقول:

احنا من القوم ذي بالحرب مشهورة

                واحنا نرد العِدا والرجل مكسورة

"شلوها من شُهرة وليتكم تدروا من العدو حقهم؟!؛ إما عيال عمّ أو عيال خال أو جيران, يزعما شيقاتلوا أمريكا والاَّ إسرائيل"..

وقائل يقول:

احنا من القوم حمران العيون

             احنا نحب الموت عشاق المنون

"و ليش تفتخروا بإحمرار العين يا جماعة؟!؛ أحمر العين إما سكران وإما مريض وإما ساهر ما ذاق النوم"..

و قائل يقول:

احنا رجال الموت عِده وافيه

           واحنا نُشُبَّ النار لاهي طافيه

"حجاب الله وألف ياسين على عدة وعتاد؛ عدة الخراب والدمار.. يا جماعة روحوا العبوا بعيد, دوروا لكم عمل.. قالوا احنا واحنا, أيش أنتم؟, من أنتم؟, وماذا قدمتم غير احنا واحنا؟!.. أنتم صفر على شمال البشرية, ما منكم غير البلايا والرزايا".

قولوا:

"احنا من القوم الذي يحبوا الأكل والنوم, والمرق والزوم والعتاب واللوم والغزل والنساء والسهر في المساء"..

تعالوا شوفوا الصين وأهل الصين الذين غزوا العالم بعقولهم وخدموا البشرية, هل ترى معهم وقتاً يكتبوا زوامل أو فارغين يزوملوا ويفتخروا ويتفاخروا!..

هل سمعنا "صيني" يقول:

احنا من الصين أهل العلم والخبرة

             ذي نصنع الميج والصاروخ والإبرة

احنا من القوم ذي ما تعرف الهَدرة

                     وأوقاتنا للعمل ماهيش للفَشْرة

احنا من القوم ذي تصنع وذي تزرع

                وانتوا تنادوا ألا يا ناس مَن يِفرَع.

اللهم اهدِ أهل "الزوامل" وإلا شُلَّهُم..
في الخميس 19 يونيو-حزيران 2014 08:08:30 م