|
خرج بلا جزمه ولا مشدد
ابنه مريض فوق السرير ممدد.
ولا معه حق الدواء مو يفعل
هذا الغلاء خلا العزيز تبهذل
,,,,,,,,,,,
يا رب أنا شاشكي عليك حالي
بعد الهناء والعز ضاق حالي
والعقل فارقني وصرت أخبل
هذا الغلاء خلا العزيز تبهذل
,,,,,,,,,,,
شقيت أنا واتجعجعوا عيالي
بعد الجديد البس من البوالي
حافي القدم مابش معيا شنبل
هذا الغلاء خلا العزيز تبهذل
,,,,,,,,,,,,
هذا الغلاء يا رب قد شواني
مععرف الدجي ولا الرواني
كنتو صحيح واليوم مريض ومعتل
هذا الغلاء خلا العزيز تبهذل
,,,,,,,,,,,
مرتبي ما هوش حق زبادي
واشتي تتن " سُرات" غير عادي
بغير قات " شيجي الدكاك وشزبل
هذا الغلاء خلا العزيز تبهذل
,,,,,,,,,,,
كنتو مريض سرتو لي العيادة
عقلي خفيف وبي قليل بلاده
والا لمو شسرح وجيبي اعطل
هذا الغلاء خلا العزيز تبهذل
,,,,,,,,,,,,
لقيت وليد قالوا عليه دكتور
يضرب ابر يعمل قليل تنتور
من الفلوس يشتي المئات بندل
هذا الغلاء خلا العزيز تبهذل
,,,,,,,,,,,,,
وقلت له بيدي اليمين صنفور
أجابني صوته حزين مقهور
بيدك ورم وعن قريب شترحل
هذا الغلا خلا العزيز تبهذل
,,,,,,,,,,
فحصه غلط لا سامحه فجعني
لولا الوليد افادني نفعني
دكتور بقر طلعت أنا المغفل
هذا الغلاء خلا العزيز تبهذل
في الأحد 14 إبريل-نيسان 2019 02:43:25 ص